ආව එවුන්

Tuesday, June 26, 2012

මට මේ ගිහාන් පල්ලා පොරොන්දුවක් වෙන්න

********************************************************************************
"කොච්චර වෙලා බලාගෙන හිටියද??"
"වැඩිය නෑ.. විනාඩි දහයක් විතර..මොකද පරක්කු වුනේ?"
"පොඩි වැඩක් තිබුනා.."
"ඔෆිස් එකේ වැඩක්ද?.."
"නෑ වෙන වැඩක්..ප්ලීස් අහන්න එපා"
"එපා කියනවනම් මට ඕනත් නැහැ. තියගන්න එකයි ඇත්තේ...මහලොකු රහස් ඔයා ලගම.."

ඒ විනාඩි පහක නිහැඩියාව මගේ ජීවිතේ දිගම විනාඩි පහද කොහෙද.. 

"තරහ ගියාද?"
මම නොබිදුනු නිහැඩියාව බින්දා..
"නෑ.. දුක හිතුනා.."
ඇස් පුරවලා කදුලු.. මම දිග හුස්මක් ගත්තා..
"පොඩ්ඩක් ලගට එන්න රහසක් කියන්න.."
"තියාගන්න එකයි ඇත්තේ ඔය බොරු ආදරේ.. මම ආයේ එන්නෙම නෑ හම්බ වෙන්නවත්. බොරුකාරයා.."

දෙතුන් පාරක්ම අත්වලින් පපුවට ගහලා..පරිස්සමට තුරුලු වුනා.. මගෙ පපුව නැවතුනා.. මේ පාර විතරක් නෙමෙයි.. ඒ කෙස් වල සුවද නාහෙන් ඇතුල් වෙන හැම පාරම ඔයදේ වෙනවා.. මම ඇස් දෙක පියාගත්තා..
*********************************************************************************

"ඔයා මේක ලස්සනට ලියලා තියෙනවා ගිහාන්"
"නිකන් බොරු කියන්න එපා හලෝ.. මම දන්නවා මම මාර්ටින් වික්‍රමසිංහ නෙමෙයි කියලා"
"අපේ මාරවැඩේ මට මෙයාට බොරු කියන්න."
"තෑන්ක්ස්"
මම කට පැත්තකින් හිනාවුනා..
"මම දෙයක් අහන්න කෑ ගහන්නේ නැතුව උත්තරයක් දෙනවද?"
"හ්ම්.. මොකක්ද අද ප්‍රශ්නේ...හරි උත්තරය දුන්නම මට මොනවද දෙන්නේ?"
"ඉස්සෙල්ල උත්තරේ දෙන්නකෝ"

" අර හග් එකක් දෙන සීන් එකක් ලියලා තිබුනේ . ඇත්තටම මට හග් එකක් දෙනකොට ඔයාට එහෙම වෙනවද?"

"ඇත්තම කියනව නම් ඒක හග් එකක් දෙනකොට ව්තරක් නෙමෙයි. ඔයා මගෙ හිත හොරකම් කරන ඕණම වෙලාවක සිද්ද වෙනවා"

ඉදගෙන හිටිය බෙන්ච් එකෙන් මම එහ මුල්ලට වුනා..

" ඔයා මූන බෙරි කරගන්නේ නැත්තම් දෙයක් කියන්නද?"
"මොකක්ද?"
"මට ඔයාව බදින්න ඕන නෑ "
ඇස් වල කදුලු. නාහෙන් හොටු...ගලන්න තියෙන හැම එකක්ම ගලනවා.. වැහි අහස වගේ මූනත් කලුවෙලා..
"ඇයි කියල විතරක් කියන්න"
ඒ මූනෙ පුදුමයක් නෑ.ඒත් මොකක්දෝ අහන්න බලාපොරොත්තුවක් නම් තියෙනවා..
" මම දන්නවා මේ කතාව අහගෙන ඉන්න පොඩ්ඩක් අමාරු වෙයි කියලා.. ඒත් මැද්දට පනිනේ නැතුව අහගෙන ඉන්න..

එදා FB එකේ මුලින්ම අපි chat කල වෙලාවේ මම තුන් හිතකින්වත් හිතුවේ නෑ ඔයා මගේ හිත හොරකම් කරයි කියලා. මතකද ඔයාගෙන් number එක හොයාගන්න මම කොච්චර ගේමක් දුන්නාද. මම ඔය කටහඩට ආස කලා.. ඒ හින්දයි හම්බවෙන්න ආවේ.. දන්නවද අදත් මම නුගේගොඩින් යද්දී මගේ පපුව රිදෙනවා..
  අපි දෙන්නා ගැලපෙන්නේ නෑ ගිහාන්
කොච්චර  ලේසියෙන් කිව්වද ඔයා.. මම 138 න් කොටුවට යනකන්වත් හිටියද? නෑ ..
හේතුව ඇහුවම මොකද කිව්වේ ... නෙලුම් කියපු හින්දලු..ඔයා මට වඩා හුගක් උසයිලු..
 මගුල තමයි.. එහෙනම් නෙලුම්ගේ boy friend එයාට වඩා කොච්චර උසයිද?

මම කවදාවත් පිලිගත්තේ නෑ එදා ඔයා කියපු හේතුව.. මොකද මම දැනගෙන හිටියා ඔයා ගෙ නියම හේතු.
*ඔයා මට වඩා මාස හයක් වැඩිමල් එක
*මම බොන එක

මට කැමති නැහැ කිය කිය ඇයි මගේ ජීවිතේට අයිතිකාරකමක් අරගත්තේ. ඇයි මම ගැන හෙව්වේ.. මට මතකයි එදා රිසල්ට්ස් ආව දවස.. මුලු ලෝකෙම බනිද්දී..
අය්යෝ... ගනන් ගන්න එපා ගිහාන්..  මේ පාර කොහොම හරි ඉන්ජිනියරින් යන්න බලාගෙනම එක්සෑම් කරන්න.. මම දන්නවා ඔයාට පුලුවන්.

කොහේ තිබ්බ අදහස්ද ඒවා. එද ඔයා මාත් එක්ක ඉදපු එක ගැන මම සංතෝසවුනා.

මතකද ඔයා ගත්ත පොරොන්දුව... ඒකත් දිවුරන්න කිව්වේ ඔයා ගැන.. මොකද මම මට ආදරේ නැති බව ඔයා දැනගෙන හිටියා..

මතකද රිසල්ට්ස් ආව දවස..  කවුද මුලින්ම රිසල්ට්ස් බලල මට කිව්වේ..මම රිසල්ට්ස් විස්වාස නොකලට ඔයා ඒවා විස්වාස කලා.
ඔයාට එක හිතක් නැහැ ගිහාන්

කොච්චර ලේසියෙන් කිව්වද ඔයා..

ඔයාව හම්බ වෙන්න කලින් මගේ අතීතය අතෑරලා දාමු...
 ඔයා කවදාවත් මට i love you කියලා කිව්වද??
ඔයාගේ හැගීම් ඔයාගේ හිතේ තියාගෙන හිටියට මම පලිද??
ඔයා කියන්නේ , ඔයාගෙන් නොලැබුනු ආදරේ වෙන කෙනෙක්ගෙන් හොයාගෙන ගිය එක වැරැද්ද නම්.. ගෙනාපු හුස්ම ටික ඉවර වෙනකන් තනිකඩව ඉන්න ඕන කියලද?

බොරු කියන්න එපා ගිහාන් . ඔයා කරන කියන හැම දෙයක්ම මම දන්නවා.

කියලා ඔයා කිව්වට ඔයා හින්දා මම මට ලංවෙන කෙල්ලෝ කීදෙනෙක්ගෙන් ඈත් වුනාද??
ආයෙත් කාටවත් ආදරේ කරන්නේ නෑ කියලා මම තීරණය කලා. ගෙදරින් ගැලපෙන කෙනෙක් හොයලා දෙනකන් බලාගෙන හිටියා.

ඔන්න ඔය අතරේ තමයි ඔයාට ආයෙත් නැට්ට පෑගිලා මම කියන දේවල් පිලිල්ගත්තේ. මගේ ආදරේට වටිනා කමක් දුන්නේ.. කොටින්ම කිව්වොත් හන්ගගෙන හිටිය හැගීම් එලියට දැම්මේ..

මට සමාවෙන්න ගිහාන් . මට ඔයාගේ හැටි වැරදියට තේරුම් ගත්තේ.. මම එක එක්කෙනා කියපු දේවල් අහලා එක එක විකාර ඔලුවේ මවා ගත්තා..

සන්දීපනී මට හුගක් සංතෝසයි ඔයාට ඇත්ත තේරිච්ච එක ගැන . ඒත් අවුරුදු ගානක් බල්ලෙක් වගේ ඔයා පස්සෙන් ආව එකට.. අවුරුදු ගානක් මිනී මරුවෙක්ට වගේ මට කතා කරපුවට.. මොකද වෙන්නේ කියන්න..
බොරු කියන්න ඕන නෑ.. මට ඔයාව අමතක කරන්න බෑ.. මම හුගාක් උත්සාහ කලා පහුගිය අවුරුදු 4 ඇතුලේදී මට බැරි වුනා.. ඒත් මම එක දෙයක් ඉගෙන ගත්තා.. ඒ ඔයා නැතුව ජීවත් වෙන්නේ කොහොමද කියන එක ගැන..

මේ ලෝකෙ තියෙන හැම දේකටම වඩා මම ඔයාට ආදරේ.. මේ මොරටුව කැම්පස් එක ඇතුලේ මට ඔයා වෙනුවට ආදේශ කරන්න කෙනෙක් හම්බවුනේ නෑ, ඒත් සමාවෙන්න මට..

ඔයාගේ ආදරේ ලබන්න මම මෙච්චර දුක්වින්ද එක අපතේ නොයන්නයි මම ඔයාට ආයෙහ් ලංවුනේ..මට  මම හැමදාම හීන මවපු ඒ ආදරේ මාසයකට හරි විදින්න ආසාවක් තිබුනා.. මම හැමදාම ඔයාට ආදරෙයි. මම ඔයාට බොරුවක් කලේ නෑ.. ඒත් අපි මේක නවත්තමු..

ඒකට හේතු තුනක් තියෙනවා...

* ඔයා මට වඩා වැඩිමල් නිසා ඔයාගෙ ගෙදරින් මට කැමති වෙන එකක් නෑ..
*මම බේබද්දෙක් නිසා බීලා ඔයාට ගහවි.
*මට එක හිතක් නෑ. ඔයාට මට වඩා හොද කොල්ලෙක් හම්බවෙන එක අනිවාර්යයි..

මම මටත් වඩා ඔයාට ආදරෙයි... අපි අදින් මේක නවත්තමු...මට මෙ ගිහාන් පල්ලා එක පොරොන්දුවක් වෙන්න....

"ඔයා වෙනුවෙන් මම එදා වින්ද වේදනාව ඔයාටත් දැනෙන්න පටන්ගත්ත දවසට ජීවිතය නැතිකරගන්නේ නෑ කියලා"


ලිව්වේ... යසියා