ඉතින්

ඇස් දෙක ඉස්සරහින් ඒත් ටිකක් ඈතින් මහ මුහුද මැද්දේ තිබුනු ඔරුවක් එකපාරටම නොපෙනී ගියා.කම්මැලිකමේ ගෙදරට වෙලා ඉන්න බැරි හින්දම පාරට බැස්සෙ යන්න තැනක් හොයාගෙන නෙමෙයි.හෙමිහිට හෙමිහිට  බස් හෝල්ට් එකට කකුල් දෙක මාව එක්ක ගියා.බස් එකක් ඇව්ත් නතරකරපු හින්දම පස්සෙ දොරෙන් එල්ලිලා කනුවක් ගාව නතරවුනා.

''කොහාටද?''
කොන්දොස්තර අත දික්කලා..
''කොහාටද බං මේක යන්නෙ?''
''ගාලු''
''එහෙනම් ගාල්ලට එකක් දියන්''
මම අතේ ගුලි වෙච්ච විස්සෙ කොලේ දික්කලා..
''දෙකක් තියෙනවද?''
මුගෙ අම්මට..මේ නරියට මොකටද ඒ වගක්? දෙකක් තියෙද්දිත් මම නැතැයි කිව්වෙ ඕනකමින්මයි.

කරත්තයට අහුවෙච්ච කජු ලෙල්ලක් වගේ මුනකුත් එක්ක කොන්ද යන්න ගියා.ඊට පස්සෙ මෙතනට එනකන් සිද්ධවෙච්චි මෙලෝ දෙයක් මට නම් මතක නෑ..


''මල්ලි රුපියල් සීයක් දීපන්''
මම ගැස්සිල ගියා.රැවුල් කොන්ඩ වවාගත්ත හිපියො දෙන්නෙක් ඇවිල්ල මරුමුස් පාට් එකෙන් ඇහුවා.
''නෑ''
''පර්ස් එක පෙන්නපං එහෙනම් බලන්න.''
මල කෙලියයි එනපොට නම් හරි නෑ.කෝකටත් කියල මම වාඩිවෙලා හිටපු ගල් බැම්මෙන් බැස්සා.
''උඹ දන්නවද කොටුව පොලිසියේ සිවිල් යුනිට් එකේ ඕ අයි සී කව්ද කියලා??''
මෑන්ස්ලගෙ මුනු නිකන් බොම්බයි මොටයි වීගෙන යනවා.අම්මට සිරි මටත් ආවේ නැතෑ බුදු ෆිට් එකක්.මම කන්ටිනිව් කරන් ගියා.
''දන්නෙ නැත්නම් අහගනින්.ඒ මගෙ තාත්තා,මගෙ පර්ස් එකේ රුපියල් සීයක් තියෙද නැත්ද කියලා උඹට ප්‍රශ්නයක් තියෙනම් කියපන් මම තාත්තට කියන්නම් දැන් ජීප් එකෙන් රාලහාමිල දෙතුන් දෙනෙක් එවන්න කියලා''
''අය්යෝ මල්ලි විහිලුවක්නේ කලේ.මෙන්න කාපන් බබල්ගම් එකක්''
අරුන් දෙන්න බූමිතෙල් ගාපු ගැරඩි වගේ ලිස්සල ගියා.

''හූ හූ කෑවා නේද බෝලේ''මම හිතින් උඩපැන්නා.මම ආයෙත් වාඩිවෙලා මුහුද දිහා බලාගත්තා.

''වස්සානේ ගිලෙන්නේ හේ හේ....''
මලා ෆෝන් එක රින් වෙනවා.ගෙදරින්ද දන්නෑ.මම සාක්කුවෙන් ෆෝන් එක ඇද්දා.අන්නෝන් නම්බර් එකක් මම බයෙන් බයෙන් ආන්සර් කලා.

''අයියා මම චතූ..''
''ආ නංගියා.මම හිතුවෙ කෙල්ලට මාව අමතකවෙලා කියලා.මගෙ ඔලුවෙ ඔයා ගැන තිබ්බ සේරම මනස්ගාත කියල සුදු න....."
''මොනවද අයියේ විකාරද ඔයාට??.මම කතාකලේ ඔයා අර මම ගැන දාපු ස්ටේටස් ඩිලීට් කරන්න කියන්න''
එහා පැත්තෙන් ෆෝන් එක කට් වුනා.අහෙන් වැටුනු කදුලු බිංදුවක් කලුපාට කම්මුල් අස්සෙන් රූටල කටට ලුනු රහක් ගෙනාවා.


ඇත්ත තමයි දෙයියනේ මේ ලෝකෙ සිද්ධවෙන හැමදේම පැනි රස නැහැනේ.